g

g

2012年2月28日 星期二

Day 2-湖上の舞(29/1/12)

文章日期:02/28/2012 01:23 am
第15回:河口湖冬花火-湖上の舞

孖G妹、保羅同小新仔開始第二日嘅行程啦,今日會入河口湖,保羅在網上已預先訂了高速巴士券,由新宿直坐巴士入河口湖,今次已經係孖G妹同保羅第三次入河口湖,可能我地實在太喜歡這達地方!因為富士山嘅風景令人一見難忘,超級美麗。而今次亦都會入住之前兩次住開的湖南莊,其實我地都有睇過其他酒店架,不過最後都揀番湖南莊,可能住落有感情啦!

孖G妹同保羅之前兩次都係在新宿搭急行入去,要轉車。反而第一次坐巴士入去,巴士就係新宿京王百貨附近換票及搭車,好險呀!由於第一次找車站,行錯左方向,離.....開車十分鐘仍未找到, 好彩最後都趕到1:10開車,巴士都full哂播,最後3:00左右到著河口湖駅,搭巴士原來真係好方便同好舒服架,唔駛攞住d行李同睇時間轉車。到著
河口湖駅後,預購埋明早出番新宿的巴士票,安心哂。
湖上の舞-片段係由孖G妹用手機影低,片中係會聽到孖G妹尖叫+隔離房間有位日本男士的大叫同保羅影相的聲音。


出發河口湖行程啦!先去湖畔邊影一影個富士山,由於今天天氣都唔錯,所以遠望已看到大大個富士山呈現眼前,河口湖四周仍有不少積雪,影夠後孖G妹同保羅就前往湖南莊。


河口湖畔的優美的景色!


其實今次入住河口湖最初諗住住下溫泉旅館兼探下富士山,後來check到有花火,就梗係睇埋啦!可前往附近大池公園觀賞,但去到又見到有海報宣傳話可以坐船出海睇添。其實酒店係湖邊,所以孖G妹同保羅推論其實走出酒店門口,應該都已經睇到花火,所以今晚再決定去邊到睇花火。

保羅今次訂了湖景房,package重包埋四十分鐘貸切温泉眺望風呂。上到房,嘩哈哈!這間房有露台兼私人風呂,估計update左間房俾我地,唔好理,住左先算。重要拿拿林去浸貸切風呂,風呂正正望住富士山,就係咁孖G妹同保羅一邊浸溫泉,一邊睇日落底下的富士山,真係舒服到呢?


窗外係見到富士山架!大家快d幻想下...........。

由於花火係晚上8點開始放20分鐘,訂了懷石料理6點鐘在房間吃。
到晚飯時間,有位mia小姐招呼,除基本懷石料理外,保羅還預先訂了兩份溶岩牛,所以晚飯真係好豐富。

溶岩牛,口感唔錯,肉質嫩滑。


好好飲的梅酒!

在晚飯期間,孖G妹同保羅最後決定留在房間露台看花火,果然時間啱啱好,吃完無耐,花火準時爆發。
嘩嘩嘩!是晚個天又黑又清,所以花火超級清楚,好靚呀,但就好凍,係露台都感覺好冰凍,估計溫度係0度以下。
雖然只有20分鐘,但花火真係絕不馬虎,就係咁.........孖G妹同保羅二人就係露台到欣賞這場花火,孖G妹都覺得又浪漫
又興奮呀


當孖G妹同保羅二人係露台欣賞這場花火之際,阿仔就走去同珍妮談情......。


但最終俾珍妮敲頭架!

大家晚安啦!
大滿足的一天,高級溫泉房間+美味料理+精彩花火+舒服的溫泉=正正正!
明早會坐䌫車上山再影富士山。

預告:靚絕富士山及河口湖