非常唔掂的新加坡、馬六甲、新山五天團
非常唔掂的東X遊的新加坡、馬六甲、新山五天團若大家考慮參加東X遊旅行團或入住以下三間酒店(Siloso Beach Resort/Philea Resort/Thistle Hotel)，建議大家看看我的經歴再唸清楚！孖G妹及保羅在八月十三日跟東X遊去新加坡、馬六甲、新山五天團，一直對此間旅行社印象都不錯，之前參加過的旅行團也幾好，因此今次也跟他們去。但想不到，這次的
食住安排十分之差劣，入住的酒店很差，膳食安排也未如理想，以今時今日服務質素，實在難以接受，孖G妹亦深知旅行團住宿和團餐都有限制，但今次實在太過份啦！這時間更是暑假旅行季節，全團37人，除我倆外，其他都是一家大細的家庭，莫非就是見多小孩、老人家及婦女，以為大家無所謂，不會出聲，她們要求不高，所以食住安排得過且過，馬虎了事，不用有質素和要求，這樣實在不公平，況且今次不是特價團，
團費要$5489，足夠去一個沖繩或東京的團費。
第一天藥材火煱晚餐：
往聖淘沙玩，行程ok，晚餐一直未有提到吃什麼，最後到餐廳才知吃一個類似火煱餐，但不是係香港打邊爐咁開心。湯底只有一種，內有杞子等藥材味湯底，見餐廳亦標磅由多種材料煲成，吃了身體強健......，唔怪得之香港咁多人打邊爐啦，吃了身壯力健。但由於保羅不能受有藥材味的食物，否則很易發燒，所以保羅未有怎樣吃到，而所滾食物比香港所食的普通過普通，有牛，豬、雞肉、南瓜片、蘿蔔片、魚蛋、蟹柳各一碟，計過每人只可吃一件，而白飯、菜及米粉則任加。孖G妹無想過係新加坡30幾度會吃咁地道嘅無料火煱攞。另若當日能事前通知吓，保羅可能會係景點地買定嘢食，而唔駛挨肚餓。
第一、二天入住污糟邋遢的聖淘沙Siloso Beach Resort：第一晚去到已經覺得酒店很污糟邋遢，房間毛巾變黃，第二天執房後，打開
毛巾
有大舊頭髮，以為見到死曱甴，好嚇人，驚到不能影低給大家看，以免引起恐慌。另外昨晚係枱面飲咖啡時滴下兩滴咖啡潰仍在，即服務員清潔有幾乾淨，大家唸一唸！
第三天入住停電馬六甲小木屋Philea Resort：今年五月開幕，地方尚算企理新淨，若想入住趁早，因整間屋是木製，地板開始花，木製屋維修麻煩。當晚因曾落雨，吃飯回房後有兩座八間房跳了掣，無電無冷氣，又要等人維修，一個鐘企在門口，又熱又落雨。另酒店泳池不是很大，晚餐自助餐好似很多嘢食，但很多係唔好食，只會見到一pat pat肉。
第四天午及晚餐吃難吃廣東餸：
午餐吃娘惹風味餐，晚餐吃奶油酥蝦，孖G妹深知團餐有限制，但實在太「呃稱」啦！兩餐其實食緊廣東餸，重要係唔好味廣東餸，比屋企樓下茶餐廳差很多倍。d蝦霉、有生菜、魚、烤雞、通菜、薯仔...........，這就是風味餐。
第四天入住黄泥水無得沖涼新山酒店Thistle Hotel：當日早上8:15出發至晚上10:00回到酒店，是日天氣33度以上，下午曬到流哂汗，唸住回到酒店落粧沖涼瞓。點知花灑、浴缸水喉及洗手盆水喉一開全部出黃水，開了半粒鐘仍是這樣，酒店說搶修中，天呀！到底發生咩事？真係接受唔到！
最後真係好累瞓咗，孖G妹要等到翌日才有乾淨水沖涼！
孖G妹不是要入住華麗酒店，但至少酒店要乾淨企理、有電和有乾淨水，要求都唔係好高嘛！
孖G妹不是要大魚大肉，但去到新加玻和馬來西亞吃不到地道小食，無食過魔鬼魚、肉骨荼、無食過地道通菜、炒河都無得食、生果又唔好食，西瓜無味無汁。靚山竹和榴槤都食唔到！
回來投訴無門，曾向旅行社反映，但講真都去咗啦，他們只說會反映意見！
suiyu at
06/05/2012 11:11 am comment
嘩，咁都得！多年前參加永安星馬五天遊，行程、食宿安排還好。 謝謝到訪！
孖G妹 at
06/05/2012 11:24 am reply
跟咁多次團，最衰係嚟次，攪到我唔想再去星馬。
Kennis at
02/11/2011 07:33 pm comment
5千幾去第度好過, d水好黃..
孖G妹 at
02/17/2011 04:59 pm reply
係呀！激死我兼嚇死我！ 但好似無人覺得有問題攞。
Grace, 我就係知道如果吾係去跟開既旅行社就一定沒信心~ 所以我咁耐只係跟過2間旅行社咋, 可能妳覺得我點解吾試第2間? 但係~ 我都怕有問題既情況會出現呀, 所以我一直都係跟wing on~ 日本就跟過egl囉, 上次跟過佢去日本都幾好吾係好差呀~ 我就是知道egl專係去日本團o麻, 所以我去日本就揀佢囉~ 跟過佢去日本都覺得幾好喎, 但係~ 無耐, 我覺得佢地既酒店同食都係一般0.0 我跟咁多次wing on, 次次酒店都係好既正既~ 好enjoy~ 可能我地衰衰咁, 專係揀豪華團兼平日去=.= 所以沒有咁既情況~ 如果揀假期去或節日跟團, 個團一定又多人又煩質數又差呀~ 我點解知道, 因我上次剛剛03/2010 去完Beijing都係跟永安呀, 因為係接近easter既關係, 所以沒有平日咁好~.~ 好明顯既~ 妳有沒看我上次去台灣環島遊既相呀, 我就係跟永安o架, 住既酒店同食係very good !!!! 因為我揀o左環島豪華皇牌團=.= 所以一定係好既, 我覺得去旅行, 最緊要係食好住好, 去relax o麻~ 如果吾係跟團為咩喎(只係我個人意見咋), 吾好介意, 我只係比意見咋, 平日去同假期去係2回事囉=.=
孖G妹, 我去星馬係跟永安呀, 我幾乎跟團既話都係跟永安既~ 佢既住同食係非常之好既.......... 可能係我揀豪華團兼係平日時段去啦~ 我上次去 北京都係跟永安的, 可能係因為接著四月一日假期既關係, 所以就比我平日去既就差D, 又多人=.= 所以我講過以後會在平日去~ 我不喜歡在紅日假期去旅行的, 又貴又多人吾想比佢賺=.= 但有時如果沒辦法要就人就沒法啦~~ 吾好勞氣啦，下次妳吾好跟佢咪得囉，沒下次吧！ 但我去日本都跟過東Ｘ遊，都吾係好差既！！！ 妳五千幾蚊可以去日本囉=.=
孖G妹 at
02/05/2011 11:27 pm reply
其實我哋以前跟 東Ｘ遊都ok架！所以咪唸住ok攞。唔知係唔係依家紅左，多左人去，就開始求其。但今次真係差得好緊要，但成團人無人覺得有問題。我寫埋信去旅遊業協會，但都無用，所以真係覺參加團去旅行，若果唔好彩，真係無保障。
小肥 at
09/24/2010 11:08 pm comment
聖淘沙package都幾貴 ??? 新航假期都OK呀, 我兩年都join佢, 住3晚Sentosa Resort & Spa, 好正呀
孖G妹 at
09/25/2010 12:07 pm reply
我之前都有睇過新航package，最後唸住跟吓團算，點知攪到咁 ，激死人！你就好啦，住得咁正 ！
宮本ビー at
09/07/2010 11:24 am comment
點解．．．你去嘅係SINGAPORE,但好似仲衰過大陸亜珍團囉！東ｘ遊
孖G妹 at
09/07/2010 11:58 am reply
我都唔知點解會咁！總之激死人啦！ 記得唔好入住以上酒店。可能住USS聖淘沙那幾間會新d！不過仍見聖淘沙四處裝修緊，景觀亦麻麻。
大山明美 at
09/04/2010 05:58 pm comment
読完你的文章後都感到這店的安排和服務真的非常差 (尤其是恐怖的 "黄泥水", 説真的.. 明美也不能接受)。其実以 $5489 的収費, 真的偏貴, 倒不如買 package 自遊行還好...
孖G妹 at
09/07/2010 11:52 am reply
初初唸住自遊行，但聖淘沙package都幾貴，住得好d都要五千元，所以之後咪唸住跟團算，又可以去吓其他地方，點知差成咁！激氣...........
