孖G妺 BLOG

秋日の旅19/11/09(Day 5-山梨縣和春日部市)

文章日期：01/24/2010 12:13 am

由於住温泉旅館通常都遠離市區，無夜街行，浸完温泉就瞓，早上亦會早些起身再浸温泉，然後食早餐。咁啱今天清晨六時，保羅發夢醒咗，孖G妹跟手拉開窗簾睇吓天氣，嘩.............眼前好大個富士山出現咗，立即叫保羅影低佢啦！

然後對住佢浸溫泉，再朝食！

朝食都好豐富，差唔多要走，好唔捨得，有機會我哋要再來。
原本唸住check out後返出東京，但山梨縣實在太靚，而且四周有很多唔同美術館，因此決定去埋先返出去。今次揀咗河口湖の森美術。係一個庭園式花園，影相都幾靚！
www.ukai.co.jp/musicforest

要離開美麗的河口湖啦！好嘢....搭到Tomas car出番去.....好幸運呀！

一路搭車出東京，開始天陰，唸住順便轉車去國營昭和紀念公園影相，睇怕要改地方，最後決定去咗阿仔(小新仔)家鄉春日部市先！

小新作者臼丼儀人不幸離開咗我哋，所以保羅同孖G妹決定要帶三個仔返家鄉，作者居住地.....春日部市，要係淺草轉車，搭特急都要半個鐘！阿仔尋鄉記.........出發啦！
http://shinchan-game-cinema.jp/

見到啦！好大個小新樣！犀利.........金pat pat！勁攪笑！

見到d佈置很抵死！很可愛！但地方原來很細，只是一個以小新為主題的game center，有些失望！沒有特別精品！但總算完成我們的心願！

要趕番車出新宿食嘢，會去食每次必去的吉列豬扒店！

鹿兒島黑豚定食-好味！

明天再出發-下一站箱根..........

亞U at 07/13/2012 07:15 pm comment

我覺得阿呆呆呆滯滯.其實都好醒目..

孖G妹 at 07/13/2012 08:55 pm reply

小朋友畢流都聰明醒目。

亞U at 07/12/2012 09:20 am comment

蠟筆小新中我最喜歡的角色是阿呆和小白.

孖G妹 at 07/13/2012 02:48 pm reply

小白我都有公仔，阿呆就無啦！阿呆有妳支持！

姜太公Tiger at 05/09/2012 08:48 pm comment

好好的分享，晚安啦！

孖G妹 at 05/09/2012 10:39 pm reply

姜太公謝謝，慢慢欣賞！我家小新是不是很得意，嘻嘻！

秋日の旅18/11/09(Day 4-山梨縣的富士山和紅葉)

文章日期：01/24/2010 12:15 am

今日會展開兩日一夜的山梨縣行程，先由新宿坐特急去大月駅，再由大月駅轉車到河口湖駅，就到山梨縣，今日有兩個遊覽地點，分別是搭纜車上天上山公園同紅葉回廊，然後返湖南莊浸温泉和食懷石料理。

比原定時間遲咗到，原本想搭班特急未到，搭咗另一班車再轉，點知時間重耐咗，去到河口湖駅已二點多，唯有立即行動啦！其實，之前去到大月駅要再轉乘一段鐵路才到河口湖駅，列車有唔同款式，好彩就坐到Tomas car，今天就坐到富士山公仔列車，每架車有唔同主題，超級可愛。而河口湖駅車站亦是百個名站之一，十分有記念價值，must留影。

出了站，可等巡環巴士去每一個景點，現在要去搭纜車上山，之前由大月駅搭鐵路入來，愈近山梨，景色愈靚，而富士山更加愈來愈大個，真係十分興奮。現在，沿途見到山梨縣景色，藍天與白雲，有湖、有紅葉、有陽光，簡直靚到不得了....搭咗咁耐車都抵翻。

www.fujisan.ne.jp/access/retrobus_k.esp

www.fujikyu.co.jp/fuji5/f_rope.html
正值賞紅葉季節，很多日本人都登特嚟睇紅葉，所以四周都會見到日本遊客。纜車站的吉祥物原來是狸貓。坐在纜車上，愈上愈高，再望翻下底景色，妳真係會覺得靚得好緊要......好似post card的美麗風景，但原來是真，希望身邊朋友，甚至更多人能夠看見呀！