孖G妹@鳳城酒家
同事慶生飯聚
孖G妹
今晚與同事一行5人
準時6時30分攞位，入座率已有一大半，最後叫了五個餸，每人一碗牛乳粥，加埋焗西米布甸，好可惜有同事想吃的大良野雞卷今日沒有得吃，埋單680元。
坐低之後無幾耐，餸菜都很快相繼上枱，反而係五碗粥遲遲未來，因已吃了幾個餸，重未有粥送，而餸菜都普遍較油膩，唯有追追。
前後追了兩次，分別係唔同員工，第一次個哥哥話就有，但相信無特別追過，而這個哥哥在我們坐低後，不是招呼特別好，但就不斷搭訕，我們講咩，佢都無故插嘴，總之十分奇怪。到第二次追粥，個姐姐態度十分差
高湯炸粉果，無錯係炸嘅粉果，相信現在唔係好多地方有得食，聽聞都係出名小食之一，食前浸一浸湯。粉果外表炸至金黃色，內裏有冬菇、豬肉、筍........。其實聽落到應該好好味，但孖G妹咬落覺得似咸水角，感覺十分油膩，雖然已浸一浸湯才吃，所以應較適合男士吃，怕油膩的人就不太喜歡啦，試一隻也無妨。
大良炒鮮奶，亦都係必食名菜之一，炒鮮奶當然唔易煮，鮮奶同蛋白要控制合宜，面頭再灑上欖仁火腿茸。 這個大良炒鮮奶賣相不錯，但唔係好夠奶香亦無奶羶，普普通通.，味道一般。
乳豬拼生腸，份量唔多，乳豬唔夠香脆
雞油豆苗，若果真係唔油得，唔肥膩得，千祈唔好叫這個，真係好油，嘥哂d豆苗，住份量就幾足架。
炸子雞，都算皮脆肉滑，不過不失，唔係唔好食，但又唔係話十分好食，無咩驚喜。
牛乳粥，第一次吃牛乳粥，無咩味，普通白粥應該重棉重好味，唔係好得，失望
焗西米布甸，一大煱上然後分五份，布甸夠熱，亦唔太甜，普通滑，唔夠香，唔係傳聞中咁好味，失望。
總結：
普普通通，無咩驚喜，
流水作業，無セ服務，
一次就夠，失望而回，
不油不膩，就不要來。
Kennis at 04/12/2011 06:49 pm comment
請不要來....哈哈~ 如你係寫食評果D人就大獲啦.., 我去過覺得佢依家野食差左好多, 又唔係平因為太子區, 又有遊客呢 , 所以落去依太子冰室
孖G妹 at 04/13/2011 11:41 pm reply
哈哈！我講我嘅感想炸！
小肥羊 at 03/31/2011 03:54 pm comment
傅生一家好鍾意去鳳X/連X/陸X(中上環圈), 呢D老字號, 鳳城就去上環個間, 睇完你D圖,上環個D四正很多, 你個粉果有夠醜, 我去鳳城最喜歡食桂魚卷, 出面好少有得食. 不過而加上環個間食物都越來越差了, 老字號D員人真系好差, 你去中環間連X, D人差到真系想打佢, 地方又污漕, 食物質數同以前真的不能比, 都唔明D人仲系咁去.
孖G妹 at 04/01/2011 01:22 am reply
哈韓,哈日,兼崇洋一家原來鐘意中式老字號。間中去吓都ok嘅。太子這間鳳X就真係唔駛去。蓮X都真係無招呼可言，仲要等位又搭枱，妳鐘意食就食，唔食重有大把人食。
花木蘭 at 03/24/2011 09:11 pm comment
Margaret at 03/24/2011 01:37 pm comment
沒有留言:
張貼留言