松島 上編@Day 3-10/2/11

文章日期：03/10/2011 04:17 pm

松島 上編@Day 3-10/2/11
離開乳頭温泉鄉
孖G妹、保羅同小新仔要離開秋田懸，向宮城縣出發啦，目的地係仙台嘅松島，相信好多人都已經去過這裡，但孖G妹和保羅反而是第一次來松島，而孖G妹亦都相信不同人、不同季節和不同時間來，亦會看到不同景色的松島，大家睇下今次孖G妹、保羅同小新仔捕捉的松島又是怎樣？

孖G妹、保羅同小新仔由乳頭温泉鄉坐巴士落返田澤湖駅期間，正下著大雪，因此落車後由巴士站行入車站只需幾分鐘的路程，全身都已鋪滿飄雪。

到著松島
由田澤湖駅返出仙台，新幹線車程約個多小時，到著仙台駅再要轉乘JR東北本線才能去到松島，由於秋田懸一直下著大雪，孖G妹心裡一直幻想著白雪雪的松島美景，但到著仙台駅時，原來仙台無咩雪落咗，反而陽光普照呢？
孖G妹、保羅同小新仔最後在1點多左右終於順利見到松島灣啦！阿仔，遊覽行程展開啦！

日本三景-松島
第一站當然係「日本三景」之一的松島，松島の名當然就是與散佈在松島灣上的260個大小島嶼有關，而各島上亦會見到各種形態的黑松或紅松樹挺立在灰白色的岩石上，加上松島的景色會隋季節産生各種變化，由於景色優美，因此早在江戶時代被儒學者林春齋稱為「日本三景」之一。

一齊靜靜觀望松島灣！

阿仔到著松島啦！

去到松島，必玩的第一個指定項目當然就是坐遊覽船欣賞松島灣景色兼餵海鷗。

松島遊覽船！

大家見到孖G妹好似好氣定神閒餵海鷗，其實孖G妹係驚到不得了，因為孖G妹係好驚鳥類動物，但保羅話一定要影到餵海鷗d相，所以孖G妹唯有勇闖海鷗群啦，其實一路餵緊海鷗、一路大叫好驚！d海鷗唔知係唔係知我驚，後來發生左d事，最後先話俾大家知啦！

繼續餵海鷗，救命呀！

在藍天下翱翔的海鷗！

阿仔欣賞松島美景！

媽媽，d海鷗食哂d蝦條就飛走lu，我無得食lu...........！

海鷗事件
咁當我返入船倉坐低除帽，唔知幾時見到隻手有d綠色嘢，唸緊high到咩嘢之際，原來中了頭獎攞，頂帽都有綠色，好彩只係頂帽有，抹走都ok，其他地方都無事。我估d海鷗唔知係唔係知我驚，重整鬼我！不過，我唸緊是不是頂帽太似鳥巢，令他們有所誤會呢？保羅同阿仔都無中頭獎！

待續.................

大家可重溫東北東京賞雪溫泉の旅2011

請加入小新家族

電占 豆豆 幸の旅日 World ^^ at 04/06/2011 03:47 pm comment

睇返相片 , 如果有機會去東北 , 會加入松島行程 , 我未試過住上一晚 孖G 妹好在未中招 , 你 D 蝦條都好快派哂!

孖G妹 at 04/06/2011 06:50 pm reply

松島好多酒店都係可以望住松島灣，但就算此地開番，相信暫時人流不多呢？十分影響當地旅遊業。 海鷗現在無得食蝦條lu..........，好彩有鳥巢帽頂住。

Margaret at 03/11/2011 05:56 pm comment

松島的風景真係好靚呀！我前幾年都去過松島 餵海鷗，回味無窮。 剛聽到新聞，得悉日本大地震，香港有些旅行團 仍未能聯絡上。願不幸的快些過去，祝福身在日 本的香港人及所有日本人。  

孖G妹 at 03/12/2011 06:14 pm reply

Margaret，希望一切都會好！妳也要努力，隻腳一定復原。

宮本ビー at 03/11/2011 12:08 pm comment

....好彩有帶帽咋!! 上次響熊本同亜仔一齊餵，我反而驚佢哋啄我隻手...又冇諗過会中奨... 　

孖G妹 at 03/12/2011 06:12 pm reply

好彩只係落在頂帽！ 其實我都好驚佢哋啄我隻手，但又真係無，咬完蝦條就飛走！

elmoBB at 03/11/2011 08:24 am comment

好多海 鷗呀

孖G妹 at 03/12/2011 06:09 pm reply

超多..............！圍住隻船！

大山明美 at 03/10/2011 11:57 pm comment

明美猜想.. 可能海 鷗們知道是時候用餐, 一時興奮過度而失禁吧, 哈哈。 幸好有帽子為孖 G 妹避過一劫。

孖G妹 at 03/12/2011 06:08 pm reply

都係呀！只係落左係頂帽！