玩盡北海道破冰7天の旅09-Day 2

文章日期：02/03/2010 02:28 pm

  Day 2-6/2/09
(旭山動物園/層雪峽冰瀑祭/銀河、流星瀑布)

開始第二天行程，今日會一早出發去旭山動物園，然後睇冰瀑祭同銀河、流星瀑布。

第一站旭山動物園，一落車係旅遊巴停車場，你已經會見到四周圍都砌了大大小小雪人，超級kawaii，然後就會去同雪人影相la！旭山動物園

一入到去，要沿樓梯落，原來都要行幾遠，動物園面積都頗大，導遊介紹這個動物園嘅重頭節目係皇帝企鵝巡遊同埋北極熊，現在就係要落去壩個靚位，等企鵝閒show啦！
雖然我哋都很早去到，但已經有很多日本人及其他遊客出現，所似係愈來愈多人，離企鵝開show時間還有一陣，兩旁漸漸企滿哂人，留番一條白雪雪通道。
Show time，皇帝企鵝出巡啦，工作人員引領住約十多二十隻企鵝仔出現，牠們很有秩序慢慢向前行，經過你面前，真係超級可愛呀！勁多人舉機拍照，牠們都唔驚㗎。
其實之前亦係日本其他水族館見過企鵝，但北海道皇帝企鵝咁出名，應該係因為佢哋係最靚仔，d毛色勁閃同勁靚，重識得行catwalk.......！Super kawaii.........la!

睇完企鵝影埋相，要即刻睇埋其他動物la，導遊只係俾個半鐘時間，但其實我哋發覺動物園內都有很多動物......很值得去睇！

下一個係北極熊！孖G妹同保羅都係第一次見到，這個真的值得睇，有成四、五隻，身形龐大，勁...............！

下一個係海豹！勁可愛同攪笑，雖然身形巨大但又游得很快，這個垂直透明大柱，就是讓牠們經過給我們拍照，難度都幾高！值得睇

其他還有獅子、黑豹、老虎、狐狸、浣熊...............等等！都要睇呀！我哋九秒九就係由山底一路睇番上山，好在都睇得哂，但多d時間就好d攞！

離開動物園，下一站係層雪峽第34回冰瀑祭，導遊話呢度係全個旅程最凍地方，因為落咗車要行段短路先到會場。由於都有風，吹埋來都真係幾凍，隻手無戴手套時，一陣已經無知覺，塊面都係僵，戴咗帽好d。保羅無戴手套同帽，因為影相唔方便，所以全天候僵冷。http://www.suntravel.com.tw/news/23790

入到會場，會見到很多很巨型冰柱狀物體，有些幾層樓高，係可以行上去。據說一些隨地勢形成；一些人為造成，都幾犀利............！值得睇！另外有一間間冰屋和冰洞，入到去真係暖好多！

今日最後一個景點係銀河、流星瀑布，因為是冬天，所以結哂冰，其實係有兩條瀑布，分別是雄瀑布流星；同雌瀑布銀河，合成夫妻瀑布。http://www.k-taki.com/taki/100/04ginga_ryusei.htm

今晚入住網走湖莊温泉旅館，又可以浸溫泉..........正！http://www.abashirikoso.com/
明天坐破冰船！

亞U at 06/11/2012 10:42 am comment

企鵝同北極熊.都未見過真架.

孖G妹 at 06/11/2012 01:14 pm reply

日本很多動物園都有好多有趣動物，北極熊都係第一次見，企鵝就很多日本動物園都有，這裡皇帝企鵝較有名，大隻又靚，同埋會巡遊。